團年飯，食豪D，就食失傳已久的滿漢全席中嘅「崑崙鮑甫」！
真係有錢都未必有得食，所謂「崑崙」其實就係乾咗嘅龍躉皮，因為工序繁複，而且把上百斤的龍躉買少見少，用嚟起皮制乾，不如整條發售，利潤亦相差無幾，所以現在近乎沒有人製作乾嘅龍躉皮；這次萬豪中菜廳鄧師傅將於三月份，製作一系列懷舊粵菜，因此四出搜尋市面上僅存的龍躉皮，今晚終於有機會率先品嚐！
龍躉皮需經過蒸煮、泡浸、去鱗等繁複工序，才能製成「崑崙」件，再以鮑汁餵養；而鮑片亦採用上等乾鮑，經過浸發製作，需時若兩星期，再用鮑汁餵煮，才能做出那種嚼勁，而且係越嚼越有鮑魚味！龍躉皮的口感可以說是天下無雙，以我一介草民的比喻，其口感就如花膠扒和軟骨之間，軟黏得來又帶有點軟骨的「脆」；想當年以一介魚皮能晉身成為滿漢全席的一道菜色，絕對有其道理！
今晚其他菜式亦非常精彩，
前菜松露手撕雞伴糟汁糖心蛋，有蛋有雞，闔家團圓，老少平安，兒孫滿堂；
龍蝦汁酥薑星斑件，年年有餘，兼嘻哈大笑，師傅在上桌前灑上少許花椒油，為整道菜式增添麻香！
黃湯花膠雞絲羹，食咗花膠，青春常駐，飲咗黃湯，出入平安！
單尾一道蟹皇椰香飯，橫行四方，豐衣足食！
Search